Warung Hong Penda Danum

Thursday, June 2, 2011 — 2 comment(s)
Tege Kesah horan, tuh kesah hah, Anak ewen due bapa tulak manjala manggau lauk melai sungei, horan nah masih hapa jukung ih kakanih kate amun hong sungei, metuh manjala te, medak kanih kate jala ah, tarus jala ah, dia ulih narik kahunjun, awi bohen kah te???,  tarus bapa te manyoho anak kah maneser jala je sangkawit te:
kuan anak kah: bahali bah (naraikah je manampa bahali te?).
Kuah bapa: damenih nak, ela mikehen!!!
Iyoh ara kuan anakah...... maneser am je anak kah te nah, dia pire-pire lembut kia anakah te.
tarus maokot kantongah, tege taluh plastik babungkus hapa plastik bara kantongah te, trus bapander iye dengan bapa.
Bah, melai penda dannum nih tege uluh jual wadai , tuh wadai ah, itah bagi due ih lah. hanjak bapa....
tarus lanjut hindai ewen due hanak manjala te, nah tarus sangkawit hindai ke jala te nah, lipas te langsung bapa manyambar pander, aku ih nak je maneser hindai (mungkin mahining je tege wadai melai penda danum nah), handak kia bapa dinon wadai, maneser kia bapa te, dia pire-pire lembut kia bapa, tapi kuluk kah bincul, limbah te bapander iye dengan anakah, Bayar utangmuh!!!! Bohen ikau dia bayar melai penda endau, tuh bapa kana tampar uluh warungah melai penda nah, awi ikau dia bayar kua. sakalinya eweh due sama-sama manajaru, anak kah basanah tege warung melai penda danum, sakalinya tege wadai melai kantongah bahata bara huma sahindai tulak, dia iye sama dengan bapa amun tege mimbit wadai, awi jite am iye basanan bahali bah, awi tege wadai malai kantong, mikeh bisa, awi je mikeh dengan uluh bakas nah, paksa ih iye maumpat pander bapa.  tarus amun bapa mananjaru kana tampar tempun warung awi anakah dia bayar, sakalinya kuluk kah tahantup tunggul metuh maneser..  

Sama ampin kamameh ewen dua hanak.. 

Hasupa Hetuh Kawan Pahari

Wednesday, June 1, 2011 — 3 comment(s)

Hallo Kawan Pahari, Apang, Umai, Mina, Mama, Abang, Aken. Ayu itah rami-rami, manampa habar bara suku tercinta itah Uluh dayak, ayu kawan pahari nyumbang kahetuh kesah-kesah bahasa dayak, uras tau bahasa ah , je penting bahasa dayak, nyumbang kesah ketun kahetuh, barangai ih kesah hah, kesah-kesah je rajin uluh bakas ngesah aka itah, kesah-kesah jaman helu, contoh hah, kesah kare sangumang, palui, kesah kambe, pulung, atau narai ih, je penting hong bahasa dayak. ngesah melai hetuh, mangat budaya bahasa dayak tetap tege dia takinan awin jaman, awi wayah tuh aku manampayah are ulu je dia bingat atawa mahamen dengan bahasa dayak, akan itah je masih tau atawa bingat dengan bahasa  dayak, ayu itah mambagi kisah melai hetuh, awi dayak te bahasa pemersatu akan uluh kalimantan, Je lebih Are mina bahasa dayak kalimantan Tengah, ngesah melai hetuh, kareh aku mamasang kesah ketuh melai blog je akan bahasa dayak tuh. tuh blog je pertama melai Internet, ketun tau ngirim kesah ka aku mahalau :
SMS : 085248086454
Email : aini.sastra@gmail.com (ngirim bara Email)
Langsung ka Blog :  aini.sastra.dayak@blogger.com (Ngirim Bara Email Kia)

Maaf lah kawan pahari awi tege kare bahasa je campur, awi aku tau bahasa dayak kahayan nih, dayak kahayan campur kalote bahasa. hehehhe